Titulo:
Autor:

O proxecto ten por obxecto a creación dun viveiro de especies macrófitas que abasteza a crecente demanda das instalacións de depuración por lagunaxe, recuperación de ribeiras fluviais degradadas e paisaxismo en zona de ocio e recreativas. A gama inicial estará formada por nove especies: Typha angustifolia (espadaña), Typha latifolia (espadaña), Phragmites australis (carrizo), Scirpus lacustris (xunco xigante), Scirpus validus (xunco de lagoa), Lemma minor (lentella de auga), Iris pseudacorus, Salicornia ramosissima e Lythrum salicaria.

O desenvolvemento do proxecto céntrase en tres eixos:

 

• Optimización dos tempos de produción de planta.

• Especificacións técnicas dos produtos a introducir no mercado.

• Desenvolvemento dun novo produto: illa depuradora (un soporte flotante para macrófitas).

 

Debido as flutuacións na demanda de planta faise necesario dominar os tempos de produción co fin de reducir os stocks de planta e tender a producións tipo JIT (Just in time). Neste proxecto optimizaranse os procesos de produción de cada unha das especies.

 

Neste proxecto preténdese elaborar a documentación técnica de cada un dos produtos onde se reflicte os rangos de fitodepuración en cada unha das épocas do ano, a tolerancia máxima de contaminante, as capacidades extracción de nutrientes e de metais pesados. Esta información é fundamental a hora de dimensionar as instalacións de lagunaxe e unha forma de posicionar os produtos ante a demanda das empresas que se dedican tanto a construción de plantas depuradoras.

 

Co fin de ampliar as aplicacións das plantas producidas, preténdese desenvolver un soporte flotante que permita a utilización de plantas macrófitas en encoros e pequenas balsas co fin de extraer os posibles nutrientes que poidan xerar a eutrofización destes ecosistemas acuáticos. Por unha banda valoraranse as capacidades depurativas de diferentes combinacións de plantas. Por outra, o desenvolvemento dun sistema de flotación que permita a construción das illas depuradoras.