Código do proxecto: FEADER 2021/002A
Ano de inicio: 2021
Investigador Principal: Gonzalo Flores Calvete
Outros investigadores: César Resch Zafra; Thierry Dagnac; Juan Valladares; Valentín García. ENTIDADE SOLICITANTE: LIGAL
Departamento:
Área:
O METANO (CH4) É UN POTENTE GAS DE EFECTO INVERNADOIRO (GEI). A FERMENTACIÓN RUMINAL DA DIETA É UNHA DAS PRINCIPAIS CAUSAS DE EMISIÓN DESTE GAS. O CH4 ENTÉRICO REPRESENTA MÁIS DO 50% DO TOTAL DAS EMISIÓNS DE GEI NA PRODUCIÓN DE LEITE DE VACÚN (FAO, 2010). UN DOS RETOS ACTUAIS DO SECTOR LEITEIRO É ATOPAR E APLICAR ESTRATEXIAS DE MITIGACIÓN DAS EMISIÓNS (A TRAVESO DA DIETA OU DA SELECCIÓN XENÉTICA) SEN MODIFICAR A PRODUTIVIDADE ANIMAL. NA ACTUALIDADE NON SE DISPÓN EN GALICIA NIN EN ESPAÑA DE MÉTODOS PARA A MEDIDA DAS EMISIÓNS DE METANO A GRAN ESCALA EN VACAS DE LEITE.
O OBXECTIVO DO PROXECTO É DESENVOLVER, TRANSFERIR E APLICAR UNHA NOVA TECNOLOXÍA PARA A ESTIMACIÓN DAS EMISIÓNS DE METANO ENTÉRICO EN VACAS MEDIANTE A ANÁLISE DE MOSTRAS DE LEITE, OBTIDA MEDIANTE UN PROCESO DE INNOVACIÓN COOPERATIVA ENTRE O LIGAL, O CIAM E GRANXAS LEITEIRAS COLABORADORAS.
A INNOVACIÓN ESTARÁ BASEADA EN TÉCNICAS DE ESPECTROMETRÍA E SE TRATARÁ DUN MÉTODO RÁPIDO, FIÁBEL, DE BAIXO CUSTO E ADAPTADO AO MANEXO DE GRANDES NÚMEROS DE MOSTRAS E SERÁ TRANSFERIDA A INSTRUMENTOS NIR E FTMIR CO FIN DE SEREN UTILIZADAS COMO APOIO AOS TRABALLOS DE INVESTIGACIÓN E NAS RUTINAS DE SERVIZO PRESTADAS POLO LABORATORIO INTERPROFESIONAL.
A APLICABILIDADE DA INNOVACIÓN QUE SE PERSEGUE PERMITIRÁ, UNHA VEZ TRASLADADA Á RUTINA DE ANÁLISE DO LIGAL:
- CONTAR CUNHA FERRAMENTA DE MONITORIZACIÓN DO MANEXO ALIMENTARIO NAS EXPLOTACIÓNS DE LEITE DE VACÚN EN RELACIÓN AO SEU EFECTO SOBRE A PRINCIPAL COMPOÑENTE DAS EMISIÓNS DE GEI NA PRODUCIÓN DE LEITE.
- DADA A HEREDABILIDADE DO CARÁCTER “PRODUCIÓN DE METANO ENTÉRICO” SE CONTARÁ CUNHA FERRAMENTA AO SERVIZO DOS PROGRAMAS FUTUROS DE SELECCIÓN E MELLORA DO GANDO VACÚN DE LEITE ORIENTADA Á ESCOLMA DE XENOTIPOS CON BAIXO PODER METANOXÉNICO.
- PERMITIRÁ INTERCAMBIAR A INFORMACIÓN XERADA NO PROXECTO CON OUTRAS INSTITUCIÓNS PROCURANDO SINERXIAS COLABORATIVAS NA LOITA CONTRA O CAMBIO CLIMÁTICO A TRAVESO DA REDUCIÓN DAS EMISIÓNS EN AGRICULTURA, RESPONDENDO ÁS ESTRATEXIAS DA UE DIRIXIDAS A UNHA ECONOMÍA EUROPEA NEUTRA EN CARBONO.
- REFORZARÁ O VALOR DA PRODUCIÓN DE LEITE DE GALICIA.
