OBXECTIVOS

 

1. Localización da información xenética de interese para unha explotación de produción de leite (catálogos, páxinas web, análises xenéticas e xenómicas, etc.) e a posterior selección da información de interese para cada explotación en función dos obxectivos produtivos.

 

2. Interpretar axeitadamente toda a información que proporcionan os catálogos de valoración de sementais e páxinas web, así como a información obtida da implementación recente das probas xenómicas, especialmente para garantir a adecuada reposición nunha explotación.

 

3. Aplicación práctica da información:

- buscar os apareamentos idóneos para conseguir a mellora dos caracteres de interese

(leite, graxa, proteína, lonxevidade, corrección de problemas podais ... )

- seleccionar os animais idóneos para garantir a mellor reposición posible en cada gandería

- aparear estes animais destinados á obtención de reposición cos sementais adecuados

- promover o uso do material xenético galego como material de calidade contrastada

- promover o apareamento con sementais carniceiros para a obtención de becerros de cruzamentos industriais.

 

4. Incrementar a rendibilidade dunha explotación co manexo adecuado das ferramentas que brinda a mellora xenética.

 

DESTINATARIOS 

- Agricultores e gandeiros que actualmente traballen nas explotacións gandeiras ou que potencialmente poidan chegar a traballar nelas

- Mozos/as agricultores/as

- Mulleres e homes agricultoras/es

- Persoas que se incorporen ao sector primario de calquera idade

- Persoal técnico e asesor de explotacións gandeiras.

 

PROGRAMA

 

 

10:00 - 10:15 Presentación e proposta de obxectivos 

10:15 - 11:00 - Introdución á mellora xenética: os valores xenéticos, os índices xenéticos e as bases de referencia

11:00 - 12:00 - Conceptos críticos: fiabilidade das probas, herdabilidade dos caracteres e consanguinidade dos apareamentos

12:00 - 13:00 - A selección de reprodutoras na gandería e dos sementais para a inseminación artificial. Obxectivos da selección

13:00 - 14:00 - Interpretación dos valores xenéticos. Parte 1

14:00 - 16:00 - Xantar (por conta dos asistentes)

16:00 - 7:00 Probas xenómicas fronte á selección convencional

17:00 - 18:00 - Interpretación dos valores xenéticos. Parte 2

18:00 - 18:30 - Pausa-café

18:30 - 19:00 - Os apareamentos. Programas informáticos de axuda

19:30 - 20:30 - Mesa redonda e resolución de dúbidas. Conclusións da xornada

 

PROFESORADO 

- USC: Ramiro Fouz Dopacio (Profesor da USC-Campus Terra)

- XENÉTICA FONTAO: Alejandro Fernández Fernández (Xefe de Área de Selección e Mellora Xenética)

- AGACAL: Manuel López Luaces (Xefe de Área de Formación, Innovación e Investigación Agraria)

 

ORGANIZA 

CENTRO DE INVESTIGACIÓNS AGRARIAS DE MABEGONDO (CIAM-AGACAL).

 

SOLICITUDES 

A actividade é de balde e dá dereito a un certificado de asistencia 

As solicitudes pódense descargar da páxina web www.ciam.gal e deberase remitir por correo electrónico: ciam.cmr@xunta.gal. ou por fax (881 881 800) 

20 prazas. Por rigorosa orde de inscrición 

Admitiranse solicitudes ata as 15:00 horas do día 18 de novembro. 

 

“Plan  de transferencia tecnolóxica 2021 para o apoio ás actividades de demostración e información cofinaciada ao 75% con fondos FEADER”