Xornada técnica: pasado, presente e futuro das marcas de calidade diferenciada de Galicia. Relación co sistema galego de I+D+I
Data: 22/10/2021
INTRODUCCIÓN
A calidade é unha das ferramentas máis eficaces coa que contan os agricultores europeos para afrontar a competencia cada vez maior dos países emerxentes e das grandes marcas. As últimas crises agroalimentarias, xunto co maior poder adquisitivo da poboación, fixeron que os consumidores concederan unha importancia crecente á calidade dos alimentos, cunha demanda en aumento de produtos alimentarios de orixe xeográfica específica e certificada.
Ligados a estas variables xeográficas aparecen os alimentos de calidade diferenciada, entendidos como tales: "produtos protexidos pola normativa comunitaria que garante o cumprimento de requisitos superiores aos requiridos para outros produtos".
Estes produtos de calidade diferenciada promoven a diversificación da produción agrícola, para lograr un mellor equilibrio no mercado entre a oferta e a demanda, contribuír á mellora dos ingresos dos agricultores e ao asentamento da poboación rural nesas zonas.
No ano 2021 prevese a actualización da Lei de Calidade Alimentaria que actualizará a normativa vixente do ano 2005, e na que, entre outros aspectos, se pretende potenciar as figuras das D.O.P. e I.X.P.
Os centros de investigación galegos I+D+i foron, en moitos casos, participes nos procesos de creación e consolidación de moitas das 36 marcas de calidade diferenciada existentes na actualidade na nosa comunidade, existindo en moitos casos unha relación de longo percorrido na que os centros, a traveso de proxectos de investigación e de transferencia de tecnoloxía deron resposta aos retos e demandas das marcas de calidade.
Neste contexto, o Centro de Investigacións Agrarias de Mabegondo (CIAM) e a Fundación Juana de Vega organizan o vindeiro 22 de outubro, unha xornada de transferencia, realizada no marco do Plan de transferencia para o apoio ás actividades de demostración e de información ao agro galego 2021, cofinanciado co Fondo Europeo Agrícola de Desenvolvemento Rural (FEADER) no marco do PDR de Galicia 2014-2020. Nesta xornada amosaranse algúns dos proxectos vinculados ao desenvolvemento das DOP e IXG Galegas nos que participa o Centro de Investigacións Agrarias de Mabegondo (CIAM) e outros centros dependente da AGACAL.
A presentación de resultados e liñas de traballo, enmárcase cunha mesa redonda na que representantes dalgunhas das DOP e IXP de maior traxectoria en Galicia expliquen a súa experiencia en relación á transferencia de coñecemento e expoñan as necesidades de I+D+i non cubertas.
A xornada vai dirixida ás persoas vinculadas profesionalmente cos sectores relacionados coa agricultura, gandeiría, industria agroalimentaria e cadea forestal-madeira ou con expectativa de incorporación, en especial mozos e mozas do medio rural galego.
DATA
Venres 22 de outubro de 2021
PROGRAMA
9:00—9:30 h Recepción dos asistentes e entrega de materiais
9:30-9:50 h Presentación das xornadas
Director da AGACAL
Director do CIAM
Julio López Díaz. CIAM
Director de la Fundación Juana de Vega
9:50-10:20 h A calidade diferenciada como valor para conquistar os mercados internacionais: estratexia e programas de apoio.
María Naranjo Crespo. Directora de Industrias Alimentarias ICEX
10:20-10:40 h Pementos galegos amparados polas DOP e IXP
Alfredo Taboada Arias. Investigador CIAM
10:40-11:00 h Recuperación de trigos autóctonos para a “IXP Pan Galego”
Luis Urquijo Zamora. Investigador CIAM
11:00-11:20 h Estudios de valoración do Vacún Maior para a produción de carne de calidade como base da creación da IXP Vaca Galega e Boi Galego.
Teresa Moreno López. Investigadora CIAM
11:20-11:30 h Preguntas bloque 1
11:30-12:00 h Pausa- café
12:00-12:20 h O material vexetal na produción de castaña
Josefa Fernández López.
Coordinadora dos proxectos de castiñeiro no CIF Lourizán.
12:20-12:40 h Implicacións da EVEGA coa produción vitivinícola de calidade diferenciada
Emilia Díaz Losada. EVEGA
12:40-12:50 h Preguntas bloque 2
12:50-13:50 h Mesa redonda con representantes de diferentes marcas de calidade de Galicia (Consellos Reguladores) e produtores amparados.
Moderador: Cesar Resch. CIAM
13:50-14:00 h Preguntas
14:00 h Fin da xornada
LOCALIZACIÓN
Salón de actos do CIAM (Centro de Investigacións Agrarias de Mabegondo).
Estrada Betanzos- Mesón do Vento, km7; Abegondo (15318 A Coruña)
INSCRICIÓN
Para inscribirse de balde á XORNADA TÉCNICA: PASADO, PRESENTE E FUTURO DAS MARCAS DE CALIDADE DIFERENCIADA DE GALICIA. RELACIÓN CO SISTEMA GALEGO DE I+D+i organizada polo Centro de Investigacións Agrarias de Mabegondo en colaboración coa Fundación Juana de Vega, é necesario descargar, cumprimentar e asinar o seguinte formulario estándar:
Unha vez completado e asinado, debe enviarse por correo electrónico a info@juanadevega.org
Por limitación de capacidade debido á Covid-19 habilitarase a posibilidade de seguir a xornada en streaming, para o cal se deberá indicar no correo electrónico se asistirá presencialmente ou online.
Aqueles participantes na modalidade online recibirán un correo electrónico coa ligazón para seguir a xornada.
XORNADA REALIZADA NO MARCO DO PLAN DE TRANSFERENCIA PARA APOIO A ACTIVIDADES DE DEMOSTRACIÇON E DE INFORMACIÓN AO AGRO GALLEGO 2021, COFINANCIADA POLO FONDO EUROPEO AGRÍCOLA DE DESENVOLVEMTO RURAL (FEADER) NO EL MARCO DO PDR DE GALICIA 2014-2020.