Data: 16/11/2017
DESCARGA SOLICITUDE DE INSCRICIÓN
OBXECTIVOS:
Con esta acción de demostración preténdese achergar a todas as explotacións de gando vacún galegas as técnicas reprodutivas que están á súa disposición.
Mediante o uso destas técnicas reprodutivas pódese aproveitar o potencial dos mellores animais de cada explotación, ou de ser necesario, introducir novas liñas familiares que melloren a cabana das nosas explotacións gandeiras. Para elo as técnicas de superovulación, punción e aspiración de ovocitos para a súa fecundación in vitro con seme de sementais escollidos para os cruzamentos desexados, permiten aumentar exponencialmente o número de descendentes que se poden obter das mellores vacas dunha explotación, implantando eses embrións en vacas receptoras de menor mérito.
As técnicas de TE (Transferencia Embrionaria) e OPU-FIV (Ovum pick up-Fecundación in vitro) permiten a diminución dos tempos na obtención de animais de alto mérito xenético nunha explotación, e por tanto o incremento de rendementos, ou a obtención de rendementos más idóneos para dar resposta á demanda do mercado con productos de calidade diferenciada. Estas metodoloxías reprodutivas unidas ás ferramentas que brinda a mellora xenética permiten ser máis competitivos e vender produtos ou animais de maior valor económico.
Esta acividade de demostración permitirá aos gandeiros e técnicos comprobar de primeira man en qué consisten estas técnicas e cómo se realizan de forma práctica nunha gandeiría de vacún de leite ou de vacún de carne.
Obxetivo final: incrementar a rendibilidade dunha explotación co manexo adecuado das ferramentas que brindan as técnicas reprodutivas e a mellora xenética.
DESTINATARIOS:
Gandeiros, agricultores e técnicos do agro que actualmente traballan nas explotación de gando vacún de leite e/ou carne, ou que potencialmente poidan chegar a traballar nas expltoacións gandeiras de leite, especialmente:
- Mozos/as agricultores/as
- Mulleres e homes agricultores/as
- Persoas que se incorporen ao sector primario de calquera idade.
- Agricultores/as activos/as.
ORGANIZA
CENTRO DE INVESTIGACIÓNS AGRARIAS DE MABEGONDO (CIAM-INGACAL)
COLABORA
XENETICA FONTAO, S.A.
PROGRAMA
10:00 - Presentación e proposta de obxectivos.
10:15 - Bases teóricas da MOET (Multiovulación e Transferencia de Embrións) e OPU-FIV (Ovum pick up - Fecundación in vitro).
11:30 - Pausa - café
12:00 - Realización da técnica de Transferencia Embrionaria en femias receptoras de gando vacún por técnicos especialistas.
13:00 - Realización da técnica de Ovopunción e aspiración de ovocitos en femias doantes de gando vacún por técnicos especialistas.
PROFESORADO E TÉCNICOS
Rubén Francisco Vázquez. Veterinario Técnico de Fecundación in vitro no Centro de Selección e Reproducción Animal XENÉTICA FONTAO, S.A.
Cándido Rodríguez Fernández. Técnico especialista en transferencia ebrionaria
Manuel López Luaces. CIAM-Coordinador da actividade
SOLICITUDES
A actividade é de balde e dá dereito a un certificado de asistencia.
As solicitudes pódense descargar da páxina web www. ciam.gal e deberase remitir por correo electrónico ao enderezo ciam.cmr@xunta.gal ou por fax 881 881 800
Admitiranse solicitudes ata as 15:00 horas do días 15 de novembro.
Prazas limitadas. Por rigorosa orde de inscrición
PROXECTOS
ACTIVIDADES
APLICACIÓNS RAX